KAIMU MENEJA WA TARURA NA FUNDI SANIFU NYASA WATIWA HATIANI KWA RUSHWA.



Taasisi ya Kuzuia na Kupambana na Rushwa (TAKUKURU) Wilaya ya Nyasa, mkoani Ruvuma, imewafikisha mahakamani watumishi wawili wa Wakala wa Barabara za Vijijini na Mijini (TARURA) Wilaya ya Nyasa, akiwemo Kaimu Meneja wa TARURA wilayani humo, kwa makosa mbalimbali ya rushwa, yakiwemo matumizi mabaya ya madaraka na kughushi nyaraka.


Akitoa taarifa ya utekelezaji wa majukumu ya TAKUKURU kwa kipindi cha robo ya tatu ya mwaka, Naibu Mkuu wa TAKUKURU Mkoa wa Ruvuma, Arterio Kawonga, amesema TAKUKURU Wilaya ya Nyasa ilifanya uchunguzi wa tuhuma hizo na kuwafikisha watuhumiwa katika Mahakama ya Wilaya ya Nyasa katika shauri la uhujumu uchumi namba 5463/2026.


Amesema mahakama iliwatia hatiani watuhumiwa hao ambao ni Bw. Thomas Emilyo Kitusi, Kaimu Meneja wa TARURA Wilaya ya Nyasa, pamoja na Bw. Magela Benedict Mteleke, Fundi Sanifu wa Ujenzi katika wilaya hiyo.


Mahakama imeelekeza kurejeshwa kwa fedha zote kiasi cha shilingi 9,072,126, ambazo ni fedha za mradi wa UVIKO-19, katika akaunti ya Mkurugenzi Mkuu wa TAKUKURU iliyopo Benki Kuu ya Tanzania (BOT).

Comments

Post a Comment

Popular posts from this blog

SEKTA YA NISHATI IWE KICHOCHEO CHA KUIUNGANISHA AFRIKA KUJENGA UCHUMI

Image
📌 *Yasisitiza utekelezaji wa miradi ya kipaumbele ya Nishati* 📌 *Kapinga ataka SADC kuweka dhamira thabiti na mikakati madhubuti ya utekelezaji wa Ajenda ya Nishati Safi ya Kupikia* Mawaziri wanaoshughulikia masuala ya Nishati na Maji wa Nchi za Jumuiya ya Maendeleo Kusini mwa Afrika (SADC) wametaka Sekta ya Nishati kuwa kichocheo cha kuiunganisha Afrika katika kujenga uchumi wake. Wamesema hayo leo Julai 4, 2025 wakati wakihitimisha mkutano wa SADC jijini Harare nchini Zimbabwe ambao ulilenga kuimarisha na kujadili masuala mbalimbali yatakayowezesha mtangamano wa Kikanda katika sekta za nishati na maji. Akizungumza wakati akihitimisha mkutano huo, Waziri wa Nishati na Maendeleo ya Umeme wa Zimbabwe, Mhe. Dkt. July Moyo, ameitaka jumuiya hiyo ya SADC kuipa kipaumbele sekta ya nishati na maji ili kuifanya kuwa na tija kwa wananchi katika kukuza uchumi wao kwa kuwa nishati ni chanzo kikubwa cha maendeleo.  Aidha, ameipongeza Tanzania kwa kuandaa na kuwa mwenyeji wa kufanikisha Mkut...
Read more